دا چه نن سبا په ګرده نړۍ کی دولتی قضایی او امنیتی ارګانونه د هر جرم او جنایت په څیړلو کی د تیلیفونی مکالمو او د تیلیفون کونکی او تیلیفون رسیدونکی د ټولو صوتی او ډاټا (مسیجونه) ریکارډ په اول قدم کی ګوری او نړیوال د دغه سیستمونو سره چه لاوفول انټرسیپت ( يا په قانوني ډول ټيلفوني خبرو اتري اوريدل ) ورته وایی کافی اشنایی لری، نو له همدی کبله می وپتیله چه خپلو هیوادوالو ته هم ددغه سیستم په هکله یو څه نا څه معلومات وړاندی کړم.
لاوفول انټرسیپت په حقیقت کی یوه پروسه ده چه د هغی پروسی پواسطه دولتی قضایی او امنیتی ارګانونه کولای شی چه د شکمنو او یا مجرمو خلکو مکالمو ته غوږ کیږدی او ریکارډ یی تر لاسه کړی او نه یوازی دا چه مطلوب شخص بلکه ټوله د مجرمینو شبکه پری کشفه کړی، خو البته د قانون په چوکات کی.
د لاوفول انټرسیپت تخنیکی توکی (آلی) د هر یو مخابراتی شرکت سره تړلی وی او چه کله هم مطلوب شخص ته تیلیفون راشی او یا تیلیفون وکړی نو دغه توکی اتومات ټولی مکالمی ریکارډوي.
په نړۍ کی (البته په هغه هیوادو کی چه قانون پکی پلي وي) د لاوفول انټرسیپت سیستم د مکالمو ریکارډ ته لاسرسی دومره آسانه کار نه دی او د هر ریکارډ فایل لپاره باید له محکمی نه حکم واخیستل شی، او فقط او فقط د امنیتی ارګانونو او محکمی غړو ته ددغه فایلونو لاسرسی شته او هغه هم د محکمی د حکم نه وروسته.
د لاوفول انټرسیپت عمومی چارټ په لاندی شکل کی ښودل کیږی.
.jpg)
.jpg)
No comments:
Post a Comment